ՄՈԳԵԿԱՆ - 2

Բոյրերը յաճախ
Մեզ բան են յուշում.
Ինչ-որ ճանապարհ,
Ինչ-որ մայրամուտ,
Յուշում են ինչ-որ

Աչքեր՝ մշուշում,

Ինչ-որ երգի տող,

Գորովանք ու գութ։

Բոյրերը յաճախ
Յուշ են մշուշում,

Ինչ-որ անտառում
Արմատ կամ կեղեւ,

Որը փակւել է
Թանձրաշերտ փոշում,
Բայց յանկարծ վրան
Տեղում է անձրեւ…

Տեղում է թեթեւ,

Մաքրում է փոշին,

Անտառի բոյրը

Քեզ բան է յուշում,

Մտաբերում ես
Արդէն ուրիշի,
Որը նա է, բայց
Ուրի՜շ մշուշում…

8.12.90