ԶԱՐՄԱՆՔ
Ես զարմանում եմ
Սիրոյ անսքօղ հրաշքի վրայ,
Չնայած վաղուց էլ դադարել եմ
Ոչ թէ սիրելուց,
Այլ՝ զարմանալուց։
Ես զարմանում եմ
Սիրոյ ոսկերանգ կրակի վրայ,
Չնայած վաղուց էլ դադարել եմ
Ոչ թէ այրւելուց
Այլ՝ ջերմանալուց։
Ես զարմանում եմ
Սիրոյ ներդաշնակ նւագի վրայ,
Չնայած վաղուց էլ դադարել եմ
Ոչ թէ լսելուց,
Այլ՝ վերանալուց…։
Ես զարմանո՜ւմ եմ…
Իսկ երբ կարող եմ այսպէս զարմանալ,
Ուստի կարող եմՆաեւ ջերմանալ,
Նաեւ վերանալ
Ու աստեղահա՜ս իմ բարձունքներից
Գոչել աներկբայ ու լիաբերան՝
Ես զարմանում եմ
Սիրոյ անսքօղ հրաշքի վրայ…
28-29.7.99
Subscribe to:
Post Comments (Atom)
.jpg)
Posts
No comments:
Post a Comment