«Ինձ յիշիր, երբ անձրեւում է. . . »
քո խօսքերից
Դու դեռ չգիտես,
Որ ամեն անձրեւ իր գոյնն ունի,
Դու դեռ չգիտես, որ ամեն անկիւն
Մութ ունի ուրոյն.
Դու դեռ չգիտես,
Որ ամէն երազ
յուշ է դեռ բողբոջ,
Ու ամէն մի յուշ
երազ է դողդոջ։
Դէ, որ չգիտես,
Արի, լսիր, տես՝
Քեզ սիրում եմ ողջ
Վայրերում թափւող անձրեւների չափ,
Թաքուն խորհրդով ողջ ստւերների,
Ողջ երազների, որ յուշ են դառել
Եւ ողջ յուշերի, որ ծաղկեն պիտ դեռ։
Իմ անձրե՜ւ , իմ յո՜ւշ,
Իմ երա՜զ, իմ սէ՜ր…
2.11.03
.jpg)
Posts
No comments:
Post a Comment